3 красавіка, Мінск /Кар. БЕЛТА/. Апошні званок для беларускіх школьнікаў празвініць 30 мая. Такая інфармацыя размешчана на сайце Міністэрства адукацыі.
Навучальны год завяршаецца 31 мая, нагадалі ў ведамстве.
Выпускныя экзамены пасля завяршэння навучання і выхавання на II і III ступенях агульнай сярэдняй адукацыі пройдуць 1-9 чэрвеня. Выпускнікі базавай школы 2 чэрвеня будуць пісаць дыктант па беларускай мове, 5 чэрвеня - па рускай. Кантрольная работа па матэматыцы пройдзе 7 чэрвеня.
Тыя, хто заканчвае 11 класаў, 1 і 4 чэрвеня напішуць пераказ па беларускай і рускай мове адпаведна, а 6 чэрвеня - кантрольную па матэматыцы.-0-
Падпісвайцеся на нас у
