23 верасня, Мінск /Юлія Огнева - БЕЛТА/. Да ацяпляльнага сезона гатова 69 працэнтаў жыллёвага фонду, паведаміў сёння журналістам прэс-сакратар Міністэрства жыллёва-камунальнай гаспадаркі Генадзь Аксціловіч, перадае карэспандэнт БЕЛТА.
"Пашпарты гатоўнасці да асенне-зімовага сезона ўжо атрымалі 69 працэнтаў жылфонду. За наступны тыдзень плануецца атрыманне астатняга 31 працэнта. Хацелася б адзначыць Гомель, Гомельскую вобласць і Мінск, якія практычна два тыдні таму забяспечылі 100-працэнтнае атрыманне пашпартоў гатоўнасці", - адзначыў Генадзь Аксціловіч.
Ён канстатаваў, падрыхтоўчая работа да ацяпляльнага сезона знаходзіцца на завяршальнай стадыі. "Як вызначана тэхнічнымі нарматыўнымі дакументамі і пастановай Савета Міністраў, завяршыць падрыхтоўчую работу арганізацыям сістэмы жыллёва-камунальнай гаспадаркі даручана да 1 кастрычніка", - расказаў Генадзь Аксціловіч.-0-
