26 ліпеня, Мінск /Кар. БЕЛТА/. Акупнасць пасажырскіх перавозак у гарадскім транспарце ўзрасла да 45 працэнтаў. Аб гэтым паведаміў журналістам намеснік начальніка аддзела арганізацыі пасажырскіх перавозак дзяржустановы "Сталічны транспарт і сувязь" Аляксей Касінскі, перадае карэспандэнт БЕЛТА.
"У мінулым годзе акупнасць праезду складала каля 38 працэнтаў, цяпер - 45 працэнтаў", - сказаў Аляксей Касінскі.
На гэты момант кошт праезду ў наземным гарадскім пасажырскім транспарце сталіцы складае Br0,5.
У Мінску працуюць 200 аўтобусных, 62 тралейбусныя і 5 трамвайных маршрутаў. Прыватныя перавозчыкі абслугоўваюць 67 маршрутаў. Агульная працягласць маршрутнай гарадской сеткі складае каля 3 тыс. км, з іх каля 1,5 тыс. км прыпадае на долю экспрэсных аўтобусных маршрутаў.-0-
