Сцяг Аўторак, 19 сакавіка 2024
Усе навіны
Усе навіны
Грамадства
24 красавіка 2018, 10:13

Агульнагарадскі кірмаш вакансій пройдзе ў Мінску 26 красавіка

24 красавіка, Мінск /Кар. БЕЛТА/. Агульнагарадскі кірмаш вакансій пройдзе ў Мінску 26 красавіка, паведамілі БЕЛТА ў камітэце па працы, занятасці і сацыяльнай абароне Мінгарвыканкама.

Мерапрыемства адбудзецца ў культурна-спартыўным цэнтры УП "Мінскае аддзяленне Беларускай чыгункі" з 10.00 да 13.00. У ім прымуць удзел прадстаўнікі прадпрыемстваў і арганізацыі розных сфер: прамысловасці, будаўніцтва, транспарту, гандлю і грамадскага харчавання, аховы здароўя.

Агульнагарадскія кірмашы вакансій праводзяцца два разы ў год - восенню і вясной. На іх прадугледжана работа тэматычных секцый па пытаннях садзейнічання ў працаўладкаванні інвалідаў, арганізацыі прадпрымальніцкай дзейнасці, навучанні грамадзян. Тут можна даведацца пра актуальную інфармацыю па паслугах службы занятасці насельніцтва, тэхналогіі пошуку работы, складанні рэзюмэ, а таксама атрымаць кансультацыю псіхолага.

Агульнагарадскі кірмаш вакансій у красавіку мінулага года наведалі звыш 5 тыс. чалавек, у ім прынялі ўдзел 90 арганізацый. Было прадстаўлена больш за 2,5 тыс. вакансій. У раёнах кожны тыдзень праводзяцца міні-кірмашы вакансій.-0-

Падпісвайцеся на нас у
Twitter
Топ-навіны
Свежыя навіны Беларусі