24 сакавіка, Мінск /Кар. БЕЛТА/. Адзін з затрыманых актывістаў "Белага легіёна" паказаў тайнік са зброяй у Стаўбцоўскім раёне, паведамілі ў эфіры тэлеканала СТБ, паведамляе БЕЛТА.
Паводле апошняй інфармацыі, 23 сакавіка адзін з затрыманых актывістаў паказаў тайнік, схаваны ў раёне вёскі Церабейнае ў Стаўбцоўскім раёне. Ён належаў удзельнікам радыкальнага "Белага легіёна". Сапёры-піратэхнікі знайшлі ў ім загорнутую ў мешкавіну арматуру, дзве 100-літровыя ёмістасці (таксама з жалезнымі прутамі) і 6 гранат Ф-1 і РГД-5 з запаламі да іх. Гэтаму факту дадуць ацэнку ў рамках крымінальнай справы.-0-
