10 мая, Мінск /Кар. БЕЛТА/. Пытанне адмены роўмінгу паміж Беларуссю і Расіяй на гэтым этапе пачало адпрацоўвацца на ўзроўні аператараў сувязі дзвюх краін, паведаміў міністр сувязі і інфарматызацыі Сяргей Папкоў сёння ў прэс-цэнтры БЕЛТА.
Сяргей Папкоў нагадаў, што ёсць адпаведнае даручэнне кіраўнікоў дзяржаў. Міністэрства сувязі і інфарматызацыі Беларусі прадаўжае работу з Міністэрствам сувязі і масавых камунікацый Расіі. Ідзе работа на ўзроўні аператараў сувязі.
"Але трэба разумець, што гэта бізнес. Працуюць аператары сувязі паміж сабой", - сказаў міністр.
Ён дадаў, што беларускія аператары прапанавалі ўжо абанентам тарыфныя планы, якія дазволілі знізіць расходы ў роўмінгу - прычым не толькі ў Расіі, але і ў іншых краінах.-0-
