9 лістапада, Мінск /Кар. БЕЛТА/. Абноўленая версія дэкрэта нумар 3 знаходзіцца ў Адміністрацыі Прэзідэнта Беларусі, заявіла сёння журналістам міністр працы і сацыяльнай абароны Ірына Касцевіч, перадае карэспандэнт БЕЛТА.
"Абноўленая версія дэкрэта нумар 3 знаходзіцца ў Адміністрацыі Прэзідэнта", - сказала кіраўнік ведамства. "Мы ўжо неаднаразова гаварылі, што абноўленая версія дэкрэта накіравана перш за ўсё на садзейнічанне і стымуляванне занятасці, на актыўную палітыку занятасці ў адносінах да тых грамадзян, якія сапраўды хочуць працаваць", - падкрэсліла Ірына Касцевіч.
Паводле слоў міністра, новы праект дакумента ў тым ліку накіраваны на выхад з ценю тых, хто займаецца скрытай занятасцю. "Каб сапраўды вывесці гэтых людзей на рынак працы, у першую чаргу мы плануем поўнае пакрыццё тых затрат, якія сёння льгатуюцца з боку дзяржавы. Якія гэта будуць паслугі, вядома, будзе яшчэ разглядацца", - дадала Ірына Касцевіч.-0-
