30 сакавіка, Мінск /Надзея Мацвеева - БЕЛТА/. Аб'екты сезоннага драбнарознічнага гандлю пачнуць работу ў Мінску 1 красавіка, паведаміла карэспандэнту БЕЛТА начальнік упраўлення гандлю і паслуг Мінгарвыканкама Ніна Емяльянава.
Гандлёвае абслугоўванне арганізуюць на цэнтральных магістралях сталіцы, у турыстычных зонах, у парках, скверах, паблізу вадаёмаў і на іншых тэрыторыях сталіцы. Сезонныя кафэ будуць выкананы з выкарыстаннем навесаў, шатроў, адкрытых тэрас, што стварае прыемную атмасферу для адпачынку гараджан і гасцей сталіцы. Наведвальнікам прапануюць шырокі асартымент кандытарскіх і кулінарных вырабаў, марожанага, квасу, піва, разнастайных прахаладжальных напіткаў.
Дзякуючы развіццю ўмоў для актыўнага адпачынку насельніцтва (будаўніцтву веласіпедных дарожак, устаноўцы пунктаў пракату веласіпедаў, катамаранаў, ўладкаванню баскетбольных пляцовак і г.д.) тэрытарыяльна пашыраны зоны адпачынку ва ўсіх адміністрацыйных раёнах сталіцы. З мадэрнізацыяй сучаснае аблічча набылі і аб'екты сезоннага гандлю ў парку імя М. Горкага, у Лошыцкай садова-паркавай гаспадарцы, у парку Чалюскінцаў, у Мінскім заапарку, у Цэнтральным батанічным садзе. Усяго ў сезон у Мінску дадаткова ствараецца каля 20 тыс. пасадачных месц, тым самым прадастаўляюцца камфортныя ўмовы для адпачынку насельніцтва.
Продаж харчовых тавараў, прадукцыі ўласнай вытворчасці, прахаладжальных напіткаў у летні перыяд будзе арганізаваны і на сталічных пляжах і вадаёмах.-0-
