Версія для друку:
+
Карцінкі
Друк
Навіны Беларусі

З пачатку года ва Украіне 4,3 тыс. чалавек захварэлі на адзёр

У свеце 13.02.2018 | 18:05

13 лютага, Мінск /Кар. БЕЛТА/. З пачатку 2018 года 4,3 тыс. чалавек ва Украіне захварэлі на адзёр. Аб гэтым паведамляе ТАСС са спасылкай на заяву намесніка генеральнага дырэктара па наглядзе за інфекцыйнымі хваробамі Цэнтра грамадскага здароўя Міністэрства аховы здароўя Украіны Віктара Ляшэнкі.

З пачатку года зарэгістравана ўжо 4298 выпадкаў захворвання на адзёр - 1423 хворыя дарослыя і 2875 дзяцей. Шпіталізаваны былі амаль 2800 чалавек. У 2018 годзе зафіксавана не менш за пяць смяротных выпадкаў ад гэтага захворвання.

Распаўсюджванне адру ва Украіне пачалося ў 2017 годзе. У мінулым годзе было зафіксавана 4782 выпадкі, што ў 46,7 раза вышэй, чым раней. Больш за ўсё хворых у Адэскай, Івана-Франкоўскай, Закарпацкай і Чарнавіцкай абласцях.

Выконваючая абавязкі міністра аховы здароўя Украіны Ульяна Супрун паведаміла, што цяперашняя ўспышка адру ўзнікла з-за таго, што апошнія гады ахоп вакцынацыяй быў ніжэйшы за 50 працэнтаў. Ульяна Супрун прапанавала на заканадаўчым узроўні ўзмацніць адказнасць за адмову насельніцтва ад вакцынацыі.-0-

Вы можаце знайсці гэту старонку па наступным адрасе:
http://blr.belta.by/world/view/z-pachatku-goda-va-ukraine-43-tys-chalavek-zahvareli-na-adzer-66188-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА