Версія для друку:
+
Карцінкі
Друк
Навіны Беларусі

СБ ААН правядзе экстраннае пасяджэнне па статусе Іерусаліма

У свеце 07.12.2017 | 09:40

7 снежня, Мінск /Кар. БЕЛТА/. Савет Бяспекі ААН правядзе экстраннае пасяджэнне па пытанні аб статусе Іерусаліма, які напярэдадні ЗША прызналі сталіцай Ізраіля. Як паведамляюць інфармагенцтвы па спасылкай на дыпламатычныя крыніцы, сустрэча намечана на 8 снежня.

Аб правядзенні пасяджэння выказаліся восем з пятнаццаці членаў Савета Бяспекі: Балівія, Вялікабрытанія, Егіпет, Італія, Сенегал, Уругвай, Францыя і Швецыя. На сустрэчы з дакладам выступіць генеральны сакратар ААН Антоніу Гутэрыш, які ўжо заявіў, што пытанне аб статусе Іерусаліма павінна вырашацца толькі шляхам прамых перагавораў паміж Ізраілем і Палесцінай.

Напярэдадні амерыканскі лідар Дональд Трамп афіцыйна прызнаў Іерусалім сталіцай Ізраіля. Акрамя таго, ён даў старт падрыхтоўцы па пераносе пасольства ЗША з Тэль-Авіва ў Іерусалім.

Рашэнне Трампа не падзялілі лідары шэрага еўрапейскіх краін. Прадстаўнікі арабскіх краін строга раскрытыкавалі рашэнне Трампа. Яны апасаюцца, што ініцыятыва ЗША прывядзе да зрыву мірнага працэсу на Блізкім Усходзе. У Турцыі пасля заявы Трампа пачаліся акцыі пратэсту.-0-

Вы можаце знайсці гэту старонку па наступным адрасе:
http://blr.belta.by/world/view/sb-aan-pravjadze-ekstrannae-pasjadzhenne-pa-statuse-ierusalima-64433-2017/
БЕЛТА - Навiны Беларусi, © Аўтарскае права належыць БЕЛТА, 1999-2017 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА