Версія для друку:
+
Карцінкі
Друк
Навіны Беларусі

Колькасць загінулых пры землетрасенні на мяжы Ірана і Ірака дасягнула 530 чалавек

У свеце 14.11.2017 | 16:24
Фота AP
Фота AP

14 лістапада, Мінск /Кар. БЕЛТА/. Землетрасенне, якое адбылося 12 лістапада на мяжы Ірана і Ірака, забрала жыцці як мінімум 530 чалавек, амаль 7,5 тыс. пацярпелі, паведамляе ТАСС.

Раней паведамлялася аб 450 загінулых і 7 тыс. пацярпелых.

Паводле абноўленых даных, землетрасенне закранула 1 650 гарадоў і населеных пунктаў у сямі іранскіх правінцыях. Поўнасцю разбураны 12 тыс. дамоў, яшчэ столькі ж атрымалі значныя пашкоджанні. У раёне бедства прадаўжаюцца пошукава-выратавальныя аперацыі. Мноства людзей могуць па-ранейшаму знаходзіцца пад заваламі.

Сёння прэзідэнт Ірана Хасан Раўхані наведаў правінцыю Керманшах, якой у выніку землетрасення быў нанесены найбольшы ўрон. Хасан Раўхані паабяцаў, што ўрад і УС краіны задзейнічаюць усе свае рэсурсы і магчымасці для аказання дапамогі насельніцтву рэгіёна і вяртання жыхароў Керманшаха да нармальнага жыцця.

Увечары 12 лістапада за 200 км на паўночны ўсход ад Багдада і за 100 км на захад ад іранскага горада Керманшах адзін за другім былі зафіксаваны два ўдары стыхіі магнітудай 7,2 і 7,3. Ачагі залягалі на глыбіні 19 і 25 км, падземныя штуршкі адчуваліся таксама ў Кувейце, ААЭ і Ізраілі.

У Іране сёння аб'яўлены ўсенародны дзень жалобы па ахвярах землетрасення.-0-

Вы можаце знайсці гэту старонку па наступным адрасе:
http://blr.belta.by/world/view/kolkasts-zaginulyh-pry-zemletrasenni-na-mjazhy-irana-i-iraka-dasjagnula-530-chalavek-63757-2017/
БЕЛТА - Навiны Беларусi, © Аўтарскае права належыць БЕЛТА, 1999-2016 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА