Версія для друку:
+
Карцінкі
Друк
Навіны Беларусі

Каманда дырэкцыі II Еўрапейскіх гульняў правяла першую трэніроўку да Мінскага паўмарафону

Спорт 09.08.2018 | 18:45
Фота з афіцыйнага сайта II Еўрапейскіх гульняў
Фота з афіцыйнага сайта II Еўрапейскіх гульняў

9 жніўня, Мінск /Кар. БЕЛТА/. Каманда дырэкцыі II Еўрапейскіх гульняў правяла першую трэніроўку да Мінскага паўмарафону, які адбудзецца 9 верасня, паведамілі карэспандэнту БЕЛТА ў прэс-службе фонду "Дырэкцыя II Еўрапейскіх гульняў 2019 года".

Трэніроўка прайшла ў Парку Перамогі. У складзе бегавой каманды дырэкцыі больш за 50 чалавек. Яны таксама дапамогуць дзецям з аўтызмам у акцыі "Спорт-інклюзія", якую падтрымлівае двухразовы сярэбраны прызёр Алімпійскіх гульняў па плаванні Аляксандра Герасіменя.

Каманда дырэкцыі II Еўрапейскіх гульняў таксама прыме ўдзел у турніры па баскетболе Bright 3x3 Basketball, які адбудзецца 29 жніўня на PALOVA Arena, адным з аб'ектаў маючых адбыцца Гульняў. На турніры запланавана шоу-праграма з конкурсамі для гледачоў, выступленнем калектыву па брэйк-дансе і групы падтрымкі хакейнай каманды "Дынама-Мінск" Ice Girls. Балельшчыкаў чакае і матч зорак з удзелам ветэранаў беларускага баскетбола.

Як адзначылі ў прэс-службе фонду, праз PR-кампанію Bright Team дырэкцыя прыцягвае ўсеагульную ўвагу да алімпійскіх Гульняў. Першае мерапрыемства праекта ўжо адбылося 1 жніўня на новым стадыёне па пляжным футболе.-0-

Фота з афіцыйнага сайта II Еўрапейскіх гульняў

Вы можаце знайсці гэту старонку па наступным адрасе:
http://blr.belta.by/sport/view/kamanda-dyrektsyi-ii-eurapejskih-gulnjau-pravjala-pershuju-trenirouku-da-minskaga-paumarafonu-71031-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА