Версія для друку:
+
Карцінкі
Друк
Навіны Беларусі

У Мінску зменены нарматывы спажывання цяпла ў дамах без прыбораў групавога ўліку

Грамадства 13.03.2018 | 09:32

13 сакавіка, Мінск /Кар. БЕЛТА/. Мінскі гарадскі выканаўчы камітэт устанавіў нарматывы фактычнага спажывання цеплавой энергіі ў жылых дамах, не абсталяваных прыборамі групавога ўліку расходу цяпла. Адпаведнае рашэнне Мінгарвыканкама нумар 717 ад 1 сакавіка 2018 года сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

Нарматыў фактычнага спажывання цеплавой энергіі на ацяпленне 1 кв. м агульнай плошчы жылых памяшканняў на студзень 2018 года ўстаноўлены ў памеры 0,0205 Гкал/1 кв. м, на падагрэў 1 куб. м вады - 0,0777 Гкал/1 куб. м.

Гэтыя нарматывы ўстаноўлены на падставе ч. 2 п. 29 Палажэння аб парадку разлікаў і ўнясення платы за жыллёва-камунальныя паслугі і платы за карыстанне жылымі памяшканнямі дзяржаўнага жыллёвага фонду, зацверджанага пастановай Савета Міністраў нумар 571 ад 12 чэрвеня 2014 года.

Рашэнне Мінгарвыканкама ўступае ў сілу пасля яго афіцыйнага апублікавання.-0-

Вы можаце знайсці гэту старонку па наступным адрасе:
http://blr.belta.by/society/view/u-minsku-zmeneny-narmatyvy-spazhyvannja-tsjapla-u-damah-bez-pryborau-grupavoga-uliku-67029-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА