Версія для друку:
+
Карцінкі
Друк
Навіны Беларусі

У Беларусі ў выхадныя спёка спадзе і пройдуць кароткачасовыя дажджы

Грамадства 09.08.2018 | 12:42

9 жніўня, Мінск /Кар. БЕЛТА/. У Беларусі ў выхадныя спёка спадзе і пройдуць кароткачасовыя дажджы, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Дзякуючы антыцыклону апошні дзень рабочага тыдня 10 жніўня будзе гарачым і ў асноўным без ападкаў. Тэмпература паветра ноччу складзе ад плюс 11 градусаў па ўсходзе да плюс 19 па захадзе краіны, днём будзе 25-30 цяпла, па паўднёвым захадзе краіны паветра прагрэецца да 32 градусаў.

У будучыя выхадныя атмасферны фронт, які рухаецца з Заходняй Еўропы, абумовіць кароткачасовыя дажджы і ненадоўга аслабіць спёку, канстатавалі ў Белгідрамеце.

У суботу, 11 жніўня, ноччу ў заходніх, а днём і ў цэнтральных раёнах рэспублікі пройдуць кароткачасовыя дажджы рознай інтэнсіўнасці. Месцамі прагрымяць навальніцы. Тэмпература паветра ноччу складзе 12-19 градусаў цяпла, днём у асноўным плюс 25-31, толькі па паўночным захадзе краіны яна падымецца не вышэй за 19-24 градусы цяпла.

У нядзелю, 12 жніўня, ноччу пад уплывам франтальнага раздзелу на большай частцы тэрыторыі краіны пройдуць кароткачасовыя дажджы рознай інтэнсіўнасці. Днём у асобных раёнах таксама не абыдзецца без кароткачасовых дажджоў. Месцамі прагрымяць навальніцы, днём у асобных раёнах - з парывістым ветрам. Тэмпература паветра ноччу складзе 12-18 градусаў цяпла, днём плюс 20-27.

У пачатку наступнага тыдня тэрыторыя Беларусі зноў апынецца пад уплывам антыцыклону, дажджы малаверагодныя, а тэмпературны фон пачне павышацца.

У панядзелак, 13 жніўня, будзе пераважна без ападкаў. Ноччу і раніцай у асобных раёнах краіны чакаецца слабы туман. Тэмпература паветра ноччу складзе 10-17 цяпла, днём плюс 22-28, па паўднёвым захадзе краіны паветра прагрэецца да 30 градусаў.

У аўторак, 14 жніўня, прагназуецца пераважна без ападкаў, толькі раніцай і днём у заходніх раёнах рэспублікі магчымы кароткачасовыя дажджы, месцамі навальніцы. Ноччу і раніцай у асобных раёнах будзе слабы туман. Тэмпература паветра ноччу складзе 12-19 градусаў цяпла, днём плюс 27-32.

"Вада ў рэках і вадаёмах Беларусі ўжо добра прагрэлася, тэмпература вады ў асноўным складае плюс 21-24, на рацэ Прыпяць вада прагрэлася да 24-26 градусаў. Акрамя таго, у сувязі з гарачым і сухім надвор'ем устанавілася высокая пажаранебяспека лясоў, будзьце асцярожныя з агнём", - праінфармавалі ў Белгідрамеце.-0-

Вы можаце знайсці гэту старонку па наступным адрасе:
http://blr.belta.by/society/view/u-belarusi-u-vyhadnyja-speka-spadze-i-projduts-karotkachasovyja-dazhdzhy-71011-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА