Версія для друку:
+
Карцінкі
Друк
Навіны Беларусі

Першы этап рэпетыцыйнага тэсціравання пройдзе ў Беларусі ў кастрычніку-снежні

Грамадства 13.09.2017 | 12:57
Фота з архіва
Фота з архіва

13 верасня, Мінск /Кар. БЕЛТА/. Першы этап рэпетыцыйнага тэсціравання (РТ) пройдзе ў Беларусі ў кастрычніку-снежні. Такая інфармацыя размешчана на сайце Рэспубліканскага інстытута кантролю ведаў.

Рэпетыцыйнае тэсціраванне можна будзе прайсці па рускай, беларускай і замежных мовах, фізіцы, матэматыцы, хіміі, біялогіі, грамадазнаўстве, гісторыі Беларусі, сусветнай гісторыі (навейшы час) - усяго 15 прадметаў. Кошт удзелу ў рэпетыцыйным тэсціраванні (у тым ліку за прадастаўленне рашэнняў заданняў тэста для правядзення работы над памылкамі) складае Br7 за адзін прадмет. У РІКВ адзначылі, што аплата ўносіцца праз АРІП.

На сайце інстытута размешчаны пералік устаноў адукацыі, на базе якіх можна зарэгістравацца для ўдзелу ў РТ. У некаторых можна на тэсціраванне зарэгістравацца анлайн, напрыклад, у самім РІКВ, Белдзяржуніверсітэце, Брэсцкім дзяржаўным тэхнічным універсітэце, Гродзенскім дзяржаўным універсітэце імя Я. Купалы.

Усяго прадугледжаны тры этапы рэпетыцыйнага тэсціравання. Другі пройдзе ў студзені-лютым, трэці - у сакавіку - красавіку 2018 года. Працэдура РТ, у тым ліку апрацоўка бланкаў адказаў, праводзіцца ў адпаведнасці з тэхналогіяй цэнтралізаванага тэсціравання.-0-

Вы можаце знайсці гэту старонку па наступным адрасе:
http://blr.belta.by/society/view/pershy-etap-repetytsyjnaga-testsiravannja-projdze-u-belarusi-u-kastrychniku-snezhni-61790-2017/
БЕЛТА - Навiны Беларусi, © Аўтарскае права належыць БЕЛТА, 1999-2016 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА