Версія для друку:
+
Карцінкі
Друк
Навіны Беларусі

Натарыусы Беларусі бясплатна пракансультуюць шматдзетных маці 14 кастрычніка

Грамадства 12.10.2017 | 14:42

12 кастрычніка, Мінск /Кар. БЕЛТА/. Натарыусы Беларусі бясплатна пракансультуюць шматдзетных маці 14 кастрычніка, паведамілі БЕЛТА ў Беларускай натарыяльнай палаце.

Натарыусы Беларусі 14 кастрычніка ў час Тыдня маці бясплатна пракансультуюць грамадзян па пытаннях, звязаных з ажыццяўленнем натарыяльных дзеянняў. На працягу дня жанчыны, якія выхоўваюць траіх і больш непаўналетніх дзяцей, могуць звярнуцца ў любую натарыяльную кантору і натарыяльнае бюро ў адпаведнасці з рэжымам работы і атрымаць кансультацыю натарыуса па пытаннях, што ўваходзяць у яго кампетэнцыю.

Акрамя таго, 13 кастрычніка натарыусы Мінска і Мінскай вобласці прымуць удзел у акцыі па бясплатным юрыдычным кансультаванні шматдзетных маці, праводзімай Міністэрствам юстыцыі. Акцыя адбудзецца па адрасе: Мінск, вул. Калектарная, 10, каб. 321 з 10.00 да 13.00.

Падтрымка шматдзетных сем'яў - адзін з прыярытэтаў сацыяльнай палітыкі дзяржавы, а таму для натарыяльнай супольнасці Беларусі правядзенне такіх акцый стала ўжо традыцыйным. Мэтай такіх мерапрыемстваў з'яўляецца прававая дасведчанасць насельніцтва і забеспячэнне абароны правоў і законных інтарэсаў грамадзян, умацаванне і падтрымка інстытута сям'і.

Пра поўны спіс натарыяльных кантор і натарыяльных бюро і час іх работы можна даведацца на сайце Беларускай натарыяльнай палаты belnotary.by ў раздзеле "Знайсці натарыуса".-0-

Вы можаце знайсці гэту старонку па наступным адрасе:
http://blr.belta.by/society/view/nataryusy-belarusi-bjasplatna-prakansultujuts-shmatdzetnyh-matsi-14-kastrychnika-62764-2017/
БЕЛТА - Навiны Беларусi, © Аўтарскае права належыць БЕЛТА, 1999-2017 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА