Версія для друку:
+
Карцінкі
Друк
Навіны Беларусі

Эксперты ААН адзначаюць дасягненні Беларусі ў пытаннях мацярынства і дзяцінства, сацыяльнай падтрымкі

Грамадства 12.01.2018 | 14:12
Мар'яна Шчоткіна. Фота з архіва
Мар'яна Шчоткіна. Фота з архіва

12 студзеня, Мінск /Кар. БЕЛТА/. Кансультацыйна-экспертная місія ААН па ацэнцы працэсу дасягнення Мэт устойлівага развіцця (МУР), якая наведала Беларусь у канцы лістапада - пачатку снежня 2017 года, адзначыла дасягненні краіны ў пытаннях гендарнай роўнасці, мацярынства і дзяцінства, сацыяльнай падтрымкі. Аб гэтым паведаміла сёння намеснік старшыні Савета Рэспублікі, нацыянальны каардынатар па дасягненні МУР Мар'яна Шчоткіна на сустрэчы з прадстаўнікамі замежнага дыпкорпуса, перадае карэспандэнт БЕЛТА.

Работа экспертаў місіі была арыентавана на ацэнку стартавых пазіцый і арганізацыю дзейнасці Беларусі па выкананні Мэт устойлівага развіцця.

"У час гэтай работы былі адзначаны дасягненні нашай краіны ў пытаннях гендарнай роўнасці, мацярынства і дзяцінства, сацыяльнай падтрымкі, а таксама ў цэлым узгодненасць работы па дасягненні МУР з палітыкай развіцця дзяржавы", - расказала Мар'яна Шчоткіна.

Па выніках сваёй работы эксперты ААН павінны прадставіць "дарожную карту" для Беларусі. "Цяпер мы чакаем гэты дакумент і адзначаем сваю гатоўнасць прадаўжаць узаемадзеянне з агенцтвамі сістэмы ААН у галіне дасягнення МУР", - адзначыла нацыянальны каардынатар.-0-

Вы можаце знайсці гэту старонку па наступным адрасе:
http://blr.belta.by/society/view/eksperty-aan-adznachajuts-dasjagnenni-belarusi-u-pytannjah-matsjarynstva-i-dzjatsinstva-satsyjalnaj-65280-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА