Версія для друку:
+
Карцінкі
Друк
Навіны Беларусі

Дэпутаты разгледзяць 17 мая дэкрэт аб садзейнічанні занятасці

Грамадства 16.05.2018 | 12:24
Фота з архіва
Фота з архіва

16 мая, Мінск /Кар. БЕЛТА/. Дэкрэт ад 25 студзеня 2018 года нумар 1 аб садзейнічанні занятасці будзе разглядацца 17 мая на пасяджэнні чацвёртай сесіі Палаты прадстаўнікоў шостага склікання, паведамілі БЕЛТА ў прэс-службе Палаты прадстаўнікоў.

Усяго ў пералік пытанняў для разгляду на пасяджэнні Палаты прадстаўнікоў уключаны дзевяць законапраектаў. "У першым чытанні плануецца разгледзець праект закона "Аб унясенні змяненняў і дапаўненняў у некаторыя законы Рэспублікі Беларусь па пытаннях прававога рэгулявання жыллёвых адносін". У другім - папраўкі ў закон аб абароне правоў спажыўцоў, у Паветраны кодэкс", - праінфармавалі ў прэс-службе.

Акрамя таго, плануецца ратыфікаваць шэраг міжнародных дагавораў. У іх ліку беларуска-грузінскае міжурадавае пагадненне аб абмене і ўзаемнай абароне сакрэтнай інфармацыі, пратакол аб унясенні змяненняў у пагадненне аб правілах вызначэння краіны паходжання тавараў у СНД ад 20 лістапада 2009 года. Заканадаўцы маюць намер таксама разгледзець пытанне аб ратыфікацыі міжурадавага пагаднення паміж Беларуссю і Мазамбікам аб супрацоўніцтве ў барацьбе са злачыннасцю, мемарандума аб узаемаразуменні паміж урадамі Беларусі і Намібіі аб супрацоўніцтве ў барацьбе са злачыннасцю.-0-

Вы можаце знайсці гэту старонку па наступным адрасе:
http://blr.belta.by/society/view/deputaty-razgledzjats-17-maja-dekret-ab-sadzejnichanni-zanjatastsi-68893-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА