Версія для друку:
+
Карцінкі
Друк
Навіны Беларусі

Прэзідэнт: неабходна прадоўжыць работу па ўстараненні грувасткіх дазвольных працэдур для бізнесу

Прэзідэнт 13.02.2018 | 11:25

13 лютага, Мінск /Кар. БЕЛТА/. Прэзідэнт Беларусі Аляксандр Лукашэнка бачыць неабходнасць прадоўжыць работу па ўстараненні грувасткіх дазвольных працэдур для бізнесу. Аб гэтым кіраўнік дзяржавы заявіў сёння на пасяджэнні Савета бяспекі, перадае карэспандэнт БЕЛТА.

Аляксандр Лукашэнка звярнуў увагу, што ў дзяржаве намечаны і рэалізуецца комплекс прававых мер па падтрымцы бізнесу, у тым ліку па зніжэнні мер адказнасці, якія засталіся ў Крымінальным кодэксе яшчэ з мінулага стагоддзя, а таксама ўстараненні ўстарэлых і нікому не патрэбных грувасткіх дазвольных працэдур. "Гэту работу, Аляксандр Уладзіміравіч (Канюк. - Заўвага БЕЛТА), вам трэба паслядоўна і сістэмна прадаўжаць", - перакананы Прэзідэнт.

Кіраўнік дзяржавы асобна пацікавіўся тым, як пракуратура выконвае яго даручэнне аб спагнанні пратэрмінаванай дэбіторскай запазычанасці беларускім суб'ектам гаспадарання з-за мяжы. "Дзяржсакратара, кіраўніка Адміністрацыі, урад арыентую - не патрэбны агульныя разважанні, у плане пасяджэнняў, сумесных пасяджэнняў, паездак у Расію. Мне патрэбны канкрэтныя даныя - што зроблена ў гэтым напрамку і якія канкрэтныя вынікі", - сказаў Аляксандр Лукашэнка.-0-

Вы можаце знайсці гэту старонку па наступным адрасе:
http://blr.belta.by/president/view/prezident-neabhodna-pradouzhyts-rabotu-pa-ustaranenni-pratsjaglyh-dazvolnyh-pratsedur-dlja-biznesu-66160-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА