Версія для друку:
+
Карцінкі
Друк
Навіны Беларусі

Новым пастаянным каардынатарам ААН у Беларусі стала Іаанна Казана-Вішнявецкі

Палітыка 16.05.2018 | 19:56

16 мая, Мінск /Кар. БЕЛТА/. Новым пастаянным каардынатарам ААН, пастаянным прадстаўніком Праграмы развіцця Арганізацыі Аб'яднаных Нацый, прадстаўніком Фонду ААН у галіне народанасельніцтва (ЮНФПА) у Беларусі стала Іаанна Казана-Вішнявецкі. Аб гэтым гаворыцца на сайце ПРААН, паведамляе БЕЛТА.

Дыпламат прыбыла ўжо ў Беларусь для ўступлення на пасаду. Яна заменіць на пасадзе Санаку Самарасінху, які завяршыў сваю місію ў Беларусі 30 красавіка.

З 2010 года Іаанна Казана-Вішнявецкі працавала ў штаб-кватэры ПРААН у якасці начальніка аддзела па заходніх краінах СНД і краінах Закаўказзя, а затым на пасадзе кіраўніка аддзела па сувязях і наглядзе над краінавымі офісамі Рэгіянальнага бюро ПРААН па краінах Еўропы і СНД у Нью-Ёрку, дзе адказвала за каардынацыю ўзаемадзеяння з урадамі дзяржаў - членаў ААН праз пастаянныя прадстаўніцтвы пры ААН, а таксама аказвала садзейнічанне кіраўніцтву ПРААН у кантролі і стратэгічнай падтрымцы васямнаццаці краінавых офісаў ПРААН, падсправаздачных Рэгіянальнаму бюро па краінах Еўропы і СНД.

Іаанна Казана-Вішнявецкі родам з Польшчы, мае ступень магістра эканомікі і міжнародных адносін Варшаўскай школы эканомікі.-0-

Вы можаце знайсці гэту старонку па наступным адрасе:
http://blr.belta.by/politics/view/novym-pastajannym-kaardynataram-aan-u-belarusi-stala-iaanna-kazana-vishnjavetski-68912-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА