Версія для друку:
+
Карцінкі
Друк
Навіны Беларусі

Эквадор і Беларусь умацоўваюць нарматыўную базу інвестыцыйнага супрацоўніцтва

Палітыка 10.08.2017 | 13:08
Часовы павераны ў справах Эквадора ў Беларусі Фернанда Гусман
Часовы павераны ў справах Эквадора ў Беларусі Фернанда Гусман

10 жніўня, Мінск /Аліна Грышкевіч - БЕЛТА/. Эквадор і Беларусь умацоўваюць нарматыўна-прававую базу, у тым ліку для пашырэння інвестыцыйнага супрацоўніцтва. Гэта адзначыў часовы павераны ў справах Эквадора ў Беларусі Фернанда Гусман сёння на цырымоніі ўскладання вянкоў з нагоды Дня абвяшчэння незалежнасці Эквадора, перадае карэспандэнт БЕЛТА.

Дыпламат падкрэсліў, што Эквадор зацікаўлены ў збліжэнні з Беларуссю, у прыватнасці, гандлёва-эканамічным, навукова-тэхнічным супрацоўніцтве. На яго думку, важным складнікам з'яўляецца таксама двухбаковае культурнае ўзаемадзеянне.

На цырымоніі было адзначана, што 10 жніўня 1809 года з'яўляецца гістарычнай датай не толькі для Эквадора, але і ўсяго кантынента. Паколькі менавіта ў гэты дзень быў створаны першы незалежны ўрад Эквадора, што паклаў пачатак вызваленчай барацьбе лацінаамерыканскіх краін за сваю незалежнасць.

У мерапрыемстве, якое адбылося ў мінскім скверы імя Сімона Балівара, прынялі ўдзел прадстаўнікі міністэрстваў і ведамстваў, дзяржорганаў, дыпкорпуса, грамадскасці.-0-

Фота Андрэя Пакумейкі.

Вы можаце знайсці гэту старонку па наступным адрасе:
http://blr.belta.by/politics/view/ekvador-i-belarus-umatsouvajuts-narmatyunuju-bazu-investytsyjnaga-supratsounitstva-60821-2017/
БЕЛТА - Навiны Беларусi, © Аўтарскае права належыць БЕЛТА, 1999-2016 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА