Версія для друку:
+
Карцінкі
Друк
Навіны Беларусі

Бюджэт выбараў у мясцовыя Саветы дэпутатаў 28-га склікання складзе каля $10,5 млн

Палітыка 14.11.2017 | 13:48

14 лістапада, Мінск /Міхаіл Маціеўскі - БЕЛТА/. Бюджэт выбараў у мясцовыя Саветы дэпутатаў 28-га склікання, якія адбудуцца ў Беларусі ў лютым 2018 года, складзе каля $10,5 млн. Аб гэтым паведаміла сёння журналістам старшыня Цэнтрвыбаркама Лідзія Ярмошына па выніках сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

"Бюджэт выбараў складае практычна тую ж суму, якая была патрачана ў 2014 годзе, - у валютным эквіваленце гэта каля $10,5 млн. Калі гаварыць аб беларускай валюце, гэта дзесьці Br21,2 млн", - расказала Лідзія Ярмошына.

Паводле яе слоў, кіраўнік дзяржавы даручыў зменшыць расходы на арганізацыю ўчасткаў для галасавання. "Гэта ўсё павінна ажыццяўляцца за кошт сродкаў тых арганізацый, якія размяшчаюць у сябе ўчастковыя камісіі. Гэта наша звычайная практыка. Так і будзе", - запэўніла старшыня ЦВК.

Пры гэтым Лідзія Ярмошына заўважыла, што затраты на матэрыяльна-тэхнічную частку не перавышаюць 17 працэнтаў ад усяго каштарыса. "Усё астатняе - гэта расходы на заработную плату. Мы прывязваем яе памер да сярэдняй заработнай платы па краіне", - растлумачыла яна.-0-

Вы можаце знайсці гэту старонку па наступным адрасе:
http://blr.belta.by/politics/view/bjudzhet-vybarau-u-mjastsovyja-savety-deputatau-28-ga-sklikannja-skladze-kalja-105-mln-63743-2017/
БЕЛТА - Навiны Беларусi, © Аўтарскае права належыць БЕЛТА, 1999-2017 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА