Версія для друку:
+
Карцінкі
Друк
Навіны Беларусі

Беларускія дэпутаты прынялі ў другім чытанні папраўкі ў закон аб барацьбе з тэрарызмам

Палітыка 07.12.2017 | 13:50
Фота з архіва
Фота з архіва

7 снежня, Мінск /Кар. БЕЛТА/. Беларускія дэпутаты сёння на пасяджэнні прынялі ў другім чытанні папраўкі ў закон "Аб барацьбе з тэрарызмам", перадае карэспандэнт БЕЛТА.

Як растлумачыў член Пастаяннай камісіі Палаты прадстаўнікоў па нацыянальнай бяспецы Пётр Атрошчанка, законапраектам удасканальваюцца механізмы прадухілення і спынення тэрарыстычнай дзейнасці.

У прыватнасці, удакладняецца азначэнне тэрміна "фінансаванне тэрарыстычнай дзейнасці". Таксама прапануецца аднесці да суб'ектаў, якія ажыццяўляюць непасрэдна барацьбу з тэрарызмам, Узброеныя Сілы Беларусі і вызначыць іх кампетэнцыю пры ажыццяўленні гэтай функцыі.

Закон "Аб барацьбе з тэрарызмам" дапаўняецца тэрмінам "крытычна важныя аб'екты" і яго азначэннем, а таксама палажэннямі, якія вызначаюць парадак выканання міжнародных абавязацельстваў Беларусі па барацьбе з тэрарызмам.-0-

Вы можаце знайсці гэту старонку па наступным адрасе:
http://blr.belta.by/politics/view/belaruskija-deputaty-prynjali-u-drugim-chytanni-paprauki-u-zakon-ab-baratsbe-z-teraryzmam-64443-2017/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА