Версія для друку:
+
Карцінкі
Друк
Навіны Беларусі

Беларусь і Узбекістан падпісалі План супрацоўніцтва паміж апаратамі саветаў бяспекі на 2018-2019 гады

Палітыка 14.11.2017 | 15:43
Віктар Махмудаў і Станіслаў Зась
Віктар Махмудаў і Станіслаў Зась

14 лістапада, Мінск /Кар. БЕЛТА/. Беларусь і Узбекістан падпісалі План супрацоўніцтва паміж апаратамі саветаў бяспекі на 2018-2019 гады. Аб гэтым карэспандэнту БЕЛТА паведамілі ў Дзяржсакратарыяце Савета бяспекі Беларусі.

Дакумент заключаны ў час рабочага візіту ў Ташкент дзяржаўнага сакратара Савета бяспекі Беларусі Станіслава Зася і яго сустрэчы з сакратаром Савета бяспекі пры Прэзідэнце Узбекістана Віктарам Махмудавым.

Бакі абмеркавалі рэалізацыю сумесных праектаў у ваеннай і ваенна-тэхнічнай сферах, па лініі праваахоўных органаў, у галіне папярэджання і ліквідацыі стыхійных бедстваў, абароны насельніцтва ад надзвычайных сітуацый, у сферы абмену інфармацыяй і вопытам паміж мытнымі органамі, а таксама перспектывы далейшага супрацоўніцтва.

Адбыліся таксама кансультацыі паміж прадстаўнікамі апаратаў саветаў бяспекі дзвюх краін. Прайшоў абмен думкамі па актуальных пытаннях у сферы забеспячэння міжнароднай і нацыянальнай бяспекі, умацавання супрацоўніцтва ў процідзеянні сучасным выклікам і пагрозам.-0-

Вы можаце знайсці гэту старонку па наступным адрасе:
http://blr.belta.by/politics/view/belarus-i-uzbekistan-padpisali-plan-supratsounitstva-pamizh-aparatami-savetau-bjaspeki-na-2018-2019-gady-63752-2017/
БЕЛТА - Навiны Беларусi, © Аўтарскае права належыць БЕЛТА, 1999-2016 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА