Версія для друку:
+
Карцінкі
Друк
Навіны Беларусі

Беларусь і Азербайджан замацавалі намер усебаковага супрацоўніцтва на парламенцкім узроўні

Палітыка 12.10.2017 | 13:57
Актай Асадаў, Міхаіл Мясніковіч і Уладзімір Андрэйчанка
Актай Асадаў, Міхаіл Мясніковіч і Уладзімір Андрэйчанка

12 кастрычніка, Мінск /Кар. БЕЛТА/. Старшыня Савета Рэспублікі Міхаіл Мясніковіч, старшыня Палаты прадстаўнікоў Нацыянальнага сходу Уладзімір Андрэйчанка і старшыня Мілі Меджліса Актай Асадаў падпісалі сумесную заяву паміж Нацыянальным сходам Беларусі і Мілі Меджлісам Азербайджана па выніках афіцыйнага візіту азербайджанскай дэлегацыі ў Беларусь, перадае карэспандэнт БЕЛТА.

Бакі замацавалі свае намеры парламенцкімі метадамі садзейнічаць пашырэнню і паглыбленню ўзаемадзеяння рэспублік у гандлёва-эканамічнай, культурнай, навуковай, адукацыйнай і іншых галінах, якія маюць узаемны інтарэс. А таксама ініцыіраваць развіццё міжрэгіянальных сувязей і аказваць усялякую падтрымку механізмам рознабаковага супрацоўніцтва.

Парламенцкая дэлегацыя Азербайджана на чале з Актаем Асадавым прыбыла ў Беларусь 10 кастрычніка. Праграма візіту ўключала сустрэчы з кіраўніцтвам беларускага парламента, абмеркаванне пытанняў, якія датычацца развіцця міжпарламенцкага ўзаемадзеяння, гандлёва-эканамічнага супрацоўніцтва дзвюх краін і інш. Дасягнута дамоўленасць аб стварэнні навуковага фонду парламенцкіх структур.-0-

Вы можаце знайсці гэту старонку па наступным адрасе:
http://blr.belta.by/politics/view/belarus-i-azerbajdzhan-zamatsavali-namer-usebakovaga-supratsounitstva-na-parlamentskim-uzrouni-62758-2017/
БЕЛТА - Навiны Беларусi, © Аўтарскае права належыць БЕЛТА, 1999-2016 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА