Версія для друку:
+
Карцінкі
Друк
Навіны Беларусі

У Беларусі ў ліпені зафіксавана дэфляцыя

Эканоміка 10.08.2017 | 19:44

10 жніўня, Мінск /Кар. БЕЛТА/. У Беларусі індэкс спажывецкіх цэн на тавары і паслугі ў ліпені склаў 99,9 працэнта, паведамілі карэспандэнту БЕЛТА ў Нацыянальным статыстычным камітэце.

Індэкс спажывецкіх цэн на тавары і паслугі ў ліпені ў параўнанні з чэрвенем 2017 года склаў 99,9 працэнта, са снежнем 2016-га - 103,3 працэнта.

Базавы індэкс спажывецкіх цэн, што выключае змяненне цэн на асобныя тавары і паслугі, якія падпадаюць пад уплыў фактараў адміністрацыйнага і сезоннага характару, у ліпені ў параўнанні з чэрвенем склаў 100,4 працэнта, са снежнем 2016 года - 102 працэнты.

Харчовыя тавары ў ліпені знізіліся ў цане на 0,7 працэнта ў параўнанні з чэрвенем бягучага года і выраслі на 3,5 працэнта адносна снежня 2016-га. Цэны на нехарчовыя тавары павялічыліся на 0,4 працэнта ў параўнанні з чэрвенем 2017 года і на 1,4 працэнта ў параўнанні са снежнем 2016-га.

Індэкс спажывецкіх цэн на паслугі ў ліпені склаў 100,6 працэнта да чэрвеня бягучага года і 105,8 працэнта - да снежня 2016-га.-0-

Вы можаце знайсці гэту старонку па наступным адрасе:
http://blr.belta.by/economics/view/u-belarusi-u-lipeni-zafiksavana-defljatsyja-60842-2017/
БЕЛТА - Навiны Беларусi, © Аўтарскае права належыць БЕЛТА, 1999-2016 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА