Версія для друку:
+
Карцінкі
Друк
Навіны Беларусі

Папулярнасць беларускай малочнай прадукцыі дасць магчымасць захаваць яе пазіцыі на расійскім рынку - Мінсельгасхарч

Эканоміка 14.11.2017 | 15:40
Фота з архіва
Фота з архіва

14 лістапада, Мінск /Юлія Дылянок - БЕЛТА/. Папулярнасць беларускай малочнай прадукцыі, у тым ліку сыроў, дасць магчымасць захаваць яе пазіцыі на расійскім рынку. Такое меркаванне выказаў начальнік галоўнага ўпраўлення знешнеэканамічнай дзейнасці Мінсельгасхарча Аляксей Багданаў, каменціруючы карэспандэнту БЕЛТА заявы расійскага боку аб намеры поўнасцю адмовіцца ад імпартных сыроў.

"Мы ў курсе заявы расійскага боку. Больш таго, скажу, што мы на малочным форуме ў пачатку года папярэджвалі нашых вытворцаў аб тым, што ў планах Расіі нарошчванне аб'ёмаў вытворчасці малочнай прадукцыі, у тым ліку і сыроў. Мы не сумняваемся, што расійскі бок свае абяцанні выканае, - сказаў Аляксей Багданаў. - Разам з тым хачу адзначыць, што на любым рынку заўсёды прысутнічае і айчынная, і імпартная прадукцыя. Таму лічу, што папулярнасць, якую набыла беларуская малочная прадукцыя ў цэлым і сыры ў прыватнасці на расійскім рынку, дасць магчымасць ёй там застацца".

Пры гэтым начальнік галоўнага ўпраўлення знешнеэканамічнай дзейнасці не выключыў, што доля можа змяніцца. "Але ў цэлым мы захаваем пазіцыі на расійскім рынку, а разам з расійскімі вытворцамі ў рамках агульнай канцэпцыі развіцця экспарту тавараў ЕАЭС будзем пашыраць нашы тавары на рынках трэціх краін. І гэта забяспечыць нам роўнадаходнасць і ўзаемную цікавасць у вытворчасці прадукцыі", - сказаў ён.-0-

Вы можаце знайсці гэту старонку па наступным адрасе:
http://blr.belta.by/economics/view/papuljarnasts-belaruskaj-malochnaj-praduktsyi-dasts-magchymasts-zahavats-jae-pazitsyi-na-rasijskim-63751-2017/
БЕЛТА - Навiны Беларусi, © Аўтарскае права належыць БЕЛТА, 1999-2016 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА