Версія для друку:
+
Карцінкі
Друк
Навіны Беларусі

Беларуска-ўзбекскі форум дзелавога і міжрэгіянальнага супрацоўніцтва пройдзе ў верасні ў Ташкенце

Эканоміка 10.08.2018 | 09:48
Фота прэс-службы Савета Рэспублікі
Фота прэс-службы Савета Рэспублікі

10 жніўня, Мінск /Кар. БЕЛТА/. Беларуска-ўзбекскі форум дзелавога і міжрэгіянальнага супрацоўніцтва пройдзе ў верасні ў Ташкенце, паведамілі БЕЛТА ў прэс-службе Савета Рэспублікі па выніках сустрэчы спікера верхняй палаты парламента Міхаіла Мясніковіча з дэлегацый Узбекістана.

На перагаворах з дэлегацыяй на чале з першым намеснікам міністра замежных спраў Узбекістана Баціржонам Асадавым абмяркоўваліся стан і перспектывы двухбаковага супрацоўніцтва, уключаючы парламенцкае вымярэнне, а таксама пытанні падрыхтоўкі і правядзення шэрага сумесных мерапрыемстваў, развіцця прамых сувязей рэгіёнаў.

"Міхаіл Мясніковіч падкрэсліў, што Узбекістан - ключавы партнёр Беларусі ў Сярэдняй Азіі. Ён звярнуў увагу на сумесную падрыхтоўку маючага адбыцца ў верасні ў Ташкенце беларуска-ўзбекскага форуму дзелавога і міжрэгіянальнага супрацоўніцтва з удзелам парламентаў і гандлёва-прамысловых палат", - праінфармавалі ў прэс-службе.

Баціржон Асадаў у сваю чаргу адзначыў важнасць выбудоўвання шматпланавага супрацоўніцтва дзвюх краін, эканамічных і культурна-гуманітарных сувязей, міжрэгіянальнага ўзаемадзеяння.

"Бакі выказалі ўпэўненасць, што сумеснымі намаганнямі будуць знойдзены новыя кропкі росту тавараабароту. У якасці перспектыўных напрамкаў супрацоўніцтва адзначаны фармацэўтыка, мэблевая вытворчасць, высокія тэхналогіі, электратэхніка, гарбарная галіна, турызм" - дадалі ў прэс-службе.-0-

Вы можаце знайсці гэту старонку па наступным адрасе:
http://blr.belta.by/economics/view/belaruska-uzbekski-forum-dzelavoga-i-mizhregijanalnaga-supratsounitstva-projdze-u-verasni-u-tashkentse-71039-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА