Версія для друку:
+
Карцінкі
Друк
Навіны Беларусі

Беларускі дакфільм "Чужое і сваё" перамог на кінафестывалі "Прамяністы Анёл"

Культура 14.11.2017 | 11:26

14 лістапада, Мінск /Кар. БЕЛТА/. Беларускі дакфільм "Чужое і сваё" перамог на кінафестывалі "Прамяністы Анёл" у Маскве, паведамілі БЕЛТА на Нацыянальнай кінастудыі "Беларусьфільм".

Поўнаметражную работу "Чужое і сваё" (вытворчасці "Беларусьфільма") рэжысёра Галіны Адамовіч журы XIV Міжнароднага дабрачыннага кінафестывалю "Прамяністы Анёл" пад кіраўніцтвам Аляксея Вахрушава прызнала лепшай у намінацыі "Дакументальнае кіно".

Усяго на кінафестываль было заяўлена 460 фільмаў. Удзельнічалі фільмы з Расіі, Беларусі, Арменіі, Грузіі, Італіі, Ірака, Ірана, Украіны, Швецыі, Кыргызстана.

Фільм "Чужое і сваё" ўзнімае няпростую і закрытую для многіх тэму дзіцячага паліятыву. Але аўтару хапіла мужнасці і міласэрнасці расказаць гісторыю не столькі пра смерць, колькі пра жыццё. "Чужое і сваё" - гэта не сацыяльны ролік і не змрочнае апавяданне, гэта расказ пра рэальнае жыццё без ружовых акуляраў і трагічнага надрыву. Дзякуючы энтузіязму і мэтанакіраванасці нязменнага дырэктара Беларускага дзіцячага хоспіса Ганны Гарчаковай у чэрвені 2016 года ў Бараўлянах быў адкрыты новы будынак, пабудаваны на дабрачынныя сродкі. Фільм дае магчымасць дакрануцца да жыцця хоспіса ў разнастайных яго праявах, як драматычных, так і светлых, дае магчымасць зразумець жыццёвую і сацыяльную пазіцыю неардынарнага чалавека Ганны Гарчаковай.-0-

Вы можаце знайсці гэту старонку па наступным адрасе:
http://blr.belta.by/culture/view/belaruski-dakfilm-chuzhoe-i-svae-peramog-na-kinafestyvali-pramjanisty-anel-63733-2017/
БЕЛТА - Навiны Беларусi, © Аўтарскае права належыць БЕЛТА, 1999-2016 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА