Мабільная версія
ДЗЯРЖОРГАНЫ
Апошнія навіны
Зіма ў Налібоцкай пушчы
Учора 17:31 Фотарэпартаж
Усе навіны

Журналісты падарылі Прэзідэнту эксклюзіўны набор ёлачных упрыгожанняў

Прэзідэнт 29.12.2017 | 12:26

29 снежня, Мінск /Уладзімір Мацвееў - БЕЛТА/. Журналісты сёння ў час размовы Прэзідэнта Беларусі Аляксандра Лукашэнкі з прадстаўнікамі СМІ падарылі кіраўніку дзяржавы да Новага года эксклюзіўны набор ёлачных упрыгожанняў, перадае карэспандэнт БЕЛТА.

Ідэя падрыхтаваць падарунак для Прэзідэнта ўзнікла літаральна пару тыдняў таму. Прычым хацелася, каб гэта была рэч з сэнсам і душэўным цяплом, з чым асацыіруюцца навагоднія і калядныя святы.

Журналісты самі падбіралі дызайн і вызначалі тэматычнае выкананне падарунка. На распісаных уручную шкляных ёлачных шарах знакавыя месцы з усіх рэгіёнаў Беларусі. Гэта архітэктура старажытнага Полацка, Мірскі і Нясвіжскі замкі, Палац Незалежнасці, спартыўныя і рэлігійныя аб'екты, краявіды Белавежскай пушчы і шмат іншага. Не абмінулі бокам і малую радзіму кіраўніка дзяржавы. На адным з шароў паказаны родны дом Аляксандра Лукашэнкі ў Шклоўскім раёне і камбайн "Палессе" - менавіта той, за работай якога беларускі лідар назіраў у час рабочай паездкі летам бягучага года.

Задуму ўдалося рэалізаваць дзякуючы беларускім умельцам. Знамянальна, што ніхто з іх не быў інфармаваны, для каго менавіта рыхтуецца падарунак. Нягледзячы на перадсвяточную загружанасць, яны згадзіліся ўзяцца за работу і выканалі яе за найкарацейшы тэрмін.

"Дзякуй! Сёння ж павешу на сваю ёлку", - паабяцаў кіраўнік дзяржавы.

Журналісты таксама пацікавіліся ў Аляксандра Лукашэнкі, які падарунак для яго ў наступным годзе стаў бы найбольш жаданым. Прэзідэнт адзначыў, што гэта не новае для яго пытанне, і яго часам задаюць у тым ліку яго дзеці. "Я гавару: вы мне не зможаце падарыць тое, што я хачу", - расказаў Прэзідэнт.

"А вось усе вы зможаце", - адзначыў Аляксандр Лукашэнка.

Ён растлумачыў, што калі едзе па горадзе, то заўсёды звяртае ўвагу на тое, што адбываецца навокал, на людзей, якія ідуць па тратуарах. "Я праз гэта ўжо адчуваю настрой грамадства. І калі чалавек усміхаецца, у яго добры настрой, я ведаю, што жыццё цярпіма, - сказаў беларускі лідар. - А я хачу бачыць праяўленне гэтага: ваш добры настрой і вашы ўсмешкі. Самае галоўнае, каб вашы родныя, цяперашнія і будучыя дзеці ніколі вас не засмучалі і не хварэлі".-0-

Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Аб'ёмы продажаў тавараў народнага спажывання ў 2017 годзе Нацыянальны статыстычны камітэт падвёў вынікі работы арганізацый гандлю ў 2017 годзе. У табліцы прыведзены аб'ёмы продажаў тавараў у параўнанні з узроўнем 2016 года ў супастаўных цэнах.