30 верасня, Мінск /Кар. БЕЛТА/. Завяршыўся дзяржаўны візіт Прэзідэнта Беларусі Аляксандра Лукашэнкі ў Кітайскую Народную Рэспубліку. Самалёт кіраўніка дзяржавы вылецеў з аэрапорта Пекіна, перадае карэспандэнт БЕЛТА.
Аляксандр Лукашэнка правёў афіцыйныя перагаворы са Старшынёй КНР Сі Цзіньпінам, у час якіх пацверджаны пераход на новы, асаблівы ўзровень дыялогу, падпісана сумесная дэкларацыя аб устанаўленні адносін давернага ўсебаковага стратэгічнага партнёрства і ўзаемавыгаднага супрацоўніцтва.
У прысутнасці кіраўнікоў дзяржаў былі таксама падпісаны амаль тры дзясяткі дакументаў аб развіцці супрацоўніцтва, у тым ліку ў сферах гандлю, інвестыцый, прамысловасці, адукацыі і навукі.
Прэзідэнт Беларусі наведаў Пекінскі ўніверсітэт, дзе сустрэўся з кіраўніцтвам ВНУ, студэнтамі, адказаў на іх пытанні.
У Пекіне таксама адбыліся сустрэчы кіраўніка беларускай дзяржавы з прэм'ерам Дзяржаўнага савета КНР Лі Кэцянам, старшынёй Пастаяннага камітэта Усекітайскага сходу народных прадстаўнікоў Чжан Дэцзянам і Старшынёй Усекітайскага камітэта Народнага палітычнага кансультатыўнага савета Кітая Юй Чжэншэнам.
Перад адлётам са сталіцы Кітая Аляксандр Лукашэнка ўсклаў вянок да Помніка народным героям.-0-
