12 верасня, Нью-Дэлі /Уладзімір Мацвееў - БЕЛТА/. Сустрэча прэзідэнтаў Беларусі і Індыі Аляксандра Лукашэнкі і Рама Натха Кавінда прайшла ў Нью-Дэлі ў прэзідэнцкім палацы "Раштрапаці-Бхаван", перадае карэспандэнт БЕЛТА.
Прэзідэнты яшчэ раз актуалізавалі пытанні двухбаковага парадку дня і міжнароднага супрацоўніцтва, якія абмяркоўваліся на сустрэчы з прэм'ер-міністрам Індыі Нарэндрам Модзі.
Прэзідэнцкі палац з'яўляецца асаблівым месцам правядзення пратакольных цырыманіялаў. Ён пабудаваны ў 1929 годзе па праекце англійскага архітэктара. Купал будынка нагадвае купал рымскага Пантэона, а комплекс спалучае некалькі архітэктурных стыляў.-0-