5 сакавіка, Мінск /Кар. БЕЛТА/. Алімпійскага чэмпіёна Антона Кушніра зламалі на Гульнях у Пхёнчхане. Такое меркаванне выказаў 4 сакавіка Прэзідэнт Беларусі, кіраўнік Нацыянальнага алімпійскага камітэта Аляксандр Лукашэнка, перадае карэспандэнт БЕЛТА.
Адказваючы на пытанне аб выступленні Антона Кушніра на галоўных стартах чатырохгоддзя і жаданні "ускалыхнуць гэта балота", Аляксандр Лукашэнка расказаў, што вызначаецца форум, дзе будзе ўзнята гэта праблема. "Хутчэй за ўсё, гэта будзе пасяджэнне Асацыяцыі нацыянальных алімпійскіх камітэтаў (АНАК). Трэба ім у вочы адкрыта сказаць, што нікому няма справы да атлетаў. Спіхваюць адзін на аднаго, і пляваць ім на гэтых спартсменаў. Збіраюцца вузкай кучкай і нешта там вырашаюць. Усё забюракратызавана так, што цяжка разабрацца. Зламалі алімпійскага чэмпіёна Антона Кушніра. Упэўнены, калі б выйшаў ён у фінал, то быў бы з медалём. Ды і мы другі медаль у мужчынскай лыжнай акрабатыцы ўпусцілі. Не трэба было Станіславу Гладчанку скакаць такую складаную праграму, спрасці свой скачок - і на трэцім месцы", - адзначыў Аляксандр Лукашэнка.
Паводле слоў кіраўніка дзяржавы, у бліжэйшы час адбудзецца сур'ёзная размова са старшынямі наглядальных саветаў і кіраўнікоў федэрацый зімовых відаў спорту па далейшым развіцці і дзейнасці гэтых арганізацый.-0-