Сцяг Чацвер, 28 сакавіка 2024
Усе навіны
Усе навіны
Прэзідэнт
19 кастрычніка 2018, 16:08

Прэзідэнт Беларусі не з'яўляецца прыхільнікам увядзення тых ці іншых ільгот

19 кастрычніка, Гродна /Уладзімір Мацвееў - БЕЛТА/. Прэзідэнт Беларусі Аляксандр Лукашэнка не з'яўляецца прыхільнікам увядзення тых ці іншых ільгот. Аб гэтым ён заявіў сёння на сустрэчы са студэнтамі гродзенскіх ВНУ, перадае карэспандэнт БЕЛТА.

Пытанне аднаго са студэнтаў датычылася магчымасці ўвядзення льгот для студэнтаў на праезд у грамадскім транспарце.

Аляксандр Лукашэнка падкрэсліў, што не з'яўляецца прыхільнікам такога падыходу, і нагадаў, што раней у Беларусі яшчэ з савецкіх часоў існавала цэлая сістэма льгот. "Краіна льготнікаў. Нафты і газу няма, як у Расіі. А мы яшчэ з савецкіх часоў... Як паглядзелі, са сталінскіх часоў некаторыя льготы былі", - нагадаў кіраўнік дзяржавы.

Ён адзначыў, што калі паўстала пытанне навядзення парадку ў гэтым пытанні, было прынята рашэнне адмяніць усе льготы, а наступным указам устанавіць тым, каму сапраўды неабходна падтрымка.

Больш таго, што датычыцца студэнтаў, ВНУ выдзяляюцца з бюджэту пэўныя сродкі, якімі яны могуць распараджацца і накіроўваць у тым ліку на сацыяльную падтрымку. "Каб яны разам з камсамолам (маладзёжнай арганізацыяй. - Заўвага БЕЛТА), прафсаюзам і кіраўніцтвам ВНУ вызначылі, каму трэба дапамагчы, і не толькі для праезду", - растлумачыў Прэзідэнт.

У цэлым Аляксандр Лукашэнка выказаўся за адрасны характар падтрымкі тых, хто ў гэтым мае патрэбу. "Але я не прыхільнік вяртацца да тых ільгот, якія некалі былі", - сказаў ён.-0-

Падпісвайцеся на нас у
Twitter
Топ-навіны
Свежыя навіны Беларусі