4 кастрычніка, Жытомір /Уладзімір Мацвееў - БЕЛТА/. Перагаворы прэзідэнтаў Беларусі і Украіны Аляксандра Лукашэнкі і Уладзіміра Зяленскага ў вузкім складзе прадаўжаюцца ўжо дзве гадзіны, перадае карэспандэнт БЕЛТА.
Сустрэча кіраўнікоў дзяржаў праходзіць у будынку Жытомірскай абласной дзяржаўнай адміністрацыі.
Раніцай у аэрапорце Жытоміра кіраўніка беларускай дзяржавы Прэзідэнт Украіны сустрэў асабіста. Прэзідэнты цёпла віталі адзін аднаго, а таксама прадстаўнікоў дэлегацый, якія прысутнічалі ў аэрапорце. Кіраўнікі дзяржаў накіраваліся на перагаворы на адным аўтамабілі.
"Усё, аб чым мы дамовімся, будзе выконвацца. Хачу запэўніць, што мы свята будзем выконваць нашы дамоўленасці", - сказаў кіраўнік беларускай дзяржавы ў пачатку перагавораў з украінскім калегам.
Далей перагаворы прадоўжацца ў пашыраным складзе з удзелам членаў дэлегацый. Затым прэзідэнтаў чакаюць на пленарным пасяджэнні II Форуму рэгіёнаў Беларусі і Украіны.-0-