Мабільная версія
ДЗЯРЖОРГАНЫ
Апошнія навіны
Усе навіны

Павышэнне эфектыўнасці работы СЭЗ абмеркавана на нарадзе ў Лукашэнкі

Прэзідэнт 07.08.2018 | 11:41
Аляксандр Лукашэнка
Аляксандр Лукашэнка

7 жніўня, Мінск /Кар. БЕЛТА/. Павышэнне эфектыўнасці работы свабодных эканамічных зон абмеркавана на нарадзе ў Прэзідэнта Беларусі Аляксандра Лукашэнкі, перадае карэспандэнт БЕЛТА.

Кіраўнік дзяржавы звярнуў увагу, што сёння для Беларусі як ніколі актуальныя пытанні стварэння новых высокапрадукцыйных рабочых месцаў, умацавання інтэлектуальнага, прамысловага і экспартнага патэнцыялу. Вырашэнне гэтых задач непарыўна звязана з прыцягненнем інвестыцый у эканоміку краіны.

"Мне дакладваюць ва ўрадзе, свабодныя эканамічныя зоны ўносяць істотны ўклад у сацыяльна-эканамічнае развіццё рэгіёнаў і краіны ў цэлым, фарміруючы 4 працэнты ВУП. Там сканцэнтравана амаль 13 працэнтаў прамысловай вытворчасці, каля 16 працэнтаў экспарту і каля 7 працэнтаў прамых замежных інвестыцый. Напэўна, гэта важкі ўклад, але ці сувымерны ён з тымі льготамі, якія прадастаўлены рэзідэнтам свабодных эканамічных зон?" - спытаў Аляксандр Лукашэнка.

У снежні 2016 года пытанні развіцця СЭЗ ужо разглядаліся на нарадзе ў Прэзідэнта ў сувязі са змяненнямі мытнага заканадаўства ў ЕАЭС. Падыходы Савета Міністраў былі адобраны, падпісаны адпаведны ўказ.

"Сёння ўрад уносіць чарговыя прапановы, якія нібыта павінны стымуляваць развіццё нашых свабодных эканамічных зон", - адзначыў кіраўнік дзяржавы.

Аляксандр Лукашэнка пацікавіўся, ці патрэбны на сучасным этапе свабодныя эканамічныя зоны ў тым выглядзе, у якім яны існуюць, наколькі эфектыўнымі аказаліся прынятыя ў канцы 2016 года меры і які вынік яны прынеслі эканоміцы Беларусі.

"Ці дастаткова прапануемых рашэнняў для развіцця свабодных эканамічных зон, калі мы згаджаемся, што яны павінны развівацца ў нейкім ільготным, асаблівым рэжыме, і росту прамых замежных інвестыцый. Або па сканчэнні некаторага часу будзе чарговы праект указа?" - спытаў беларускі лідар.

Закон аб свабодных эканамічных зонах быў прыняты ў Беларусі ў 1998 годзе як яшчэ адзін інструмент стварэння новых сучасных вытворчасцей. Цяпер у краіне функцыянуюць шэсць свабодных эканамічных зон, у якіх зарэгістраваны 409 рэзідэнтаў з колькасцю працуючых больш за 122 тыс. чалавек.

"Усе вобласці захацелі мець свае свабодныя эканамічныя зоны, я згадзіўся. Як яны функцыянуюць, сёння разгледзім, - дадаў Прэзідэнт. - Тады ў людзей не было работы, і мы хапаліся за любую саломінку, каб не патануць. Сёння пытанне аб тым, каб проста заняць людзей у свабодных эканамічных зонах, прадаставіўшы там ільготны рэжым прадпрыемствам, не стаіць. Мы спраўляемся з занятасцю людзей, нам патрэбны высокатэхналагічныя вытворчасці. Калі там перадавая вытворчасць, гэта павінна хутка адбіцца на рабоце ўсёй эканомікі. А проста стварыць там канторку, і нехта будзе балты і гайкі кляпаць - гэта добра, але ўжо не адпавядае таму ўзроўню развіцця, на якім мы знаходзімся".-0-

"У пустую зямлю зерне класці злачынна" - Лукашэнка арыентуе на якасную падрыхтоўку да азімай сяўбы"У пустую зямлю зерне класці злачынна" - Лукашэнка арыентуе на якасную падрыхтоўку да азімай сяўбы
Кіраўнік дзяржавы таксама закрануў тэмпы ўборачнай кампаніі. Паводле яго слоў, яе трэба праводзіць хутчэй, аднак вялікіх праблем пакуль з гэтым няма.
Лукашэнка: мяса ў Расіі будзе даражэць, і трэба быць да гэтага гатовыміЛукашэнка: мяса ў Расіі будзе даражэць, і трэба быць да гэтага гатовымі
"Значнасць мяса і малака ў далейшым будзе ўзрастаць, і перш за ўсё на нашым асноўным расійскім рынку", - сказаў Аляксандр Лукашэнка.
Лукашэнка мае намер наведаць Оршу і пракантраляваць выкананне даручэнняў па развіцці горадаЛукашэнка мае намер наведаць Оршу і пракантраляваць выкананне даручэнняў па развіцці горада
"Мне вельмі не хацелася б публічна мець непрыемную размову з міністрамі і прэм'ер-міністрам у Оршы. Там павінна быць зроблена тое, што я даручаў", - падкрэсліў Прэзідэнт.

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сяўба азімых збожжавых 2018 У верасні ў гаспадарках рэспублікі пачынаецца сяўба азімых культур. Усяго пад засеў азімымі збожжавымі адведзена 1 309,3 тыс. га.