27 чэрвеня, Мінск /Кар. БЕЛТА/. Ордэнам Маці за нараджэнне і выхаванне пяці і больш дзяцей узнагароджаны 62 шматдзетныя жанчыны з Брэсцкай, Гомельскай і Гродзенскай абласцей. Адпаведны ўказ Прэзідэнт Беларусі Аляксандр Лукашэнка падпісаў 27 чэрвеня, паведамілі БЕЛТА ў прэс-службе кіраўніка дзяржавы.
У ліку ўзнагароджаных аператар машыннага даення ААТ "Новая Прыпяць" Столінскага раёна Валянціна Акостка, інжынер ААТ "Гомельжылпраект" Вольга Елісеева, бухгалтар сельскагаспадарчага вытворчага кааператыва "Алекшыцы" Бераставіцкага раёна Алена Прыходзька.-0-