Мабільная версія
ДЗЯРЖОРГАНЫ
Апошнія навіны
Усе навіны

Маладым сем'ям з двума непаўналетнімі дзецьмі льготны крэдыт на жыллё будуць выдаваць пад 5 працэнтаў ад стаўкі рэфінансавання

Прэзідэнт 05.12.2014 | 16:07
5 снежня, Мінск /Таццяна Паляжай - БЕЛТА/. Маладым сем'ям з двума непаўналетнімі дзецьмі будзе зніжана да 5 працэнтаў ад стаўкі рэфінансавання стаўка за карыстанне льготным крэдытам на будаўніцтва жылля. Гэта запланавана праектам указа, які абмяркоўваўся сёння на сустрэчы Прэзідэнта Беларусі Аляксандра Лукашэнкі з міністрам працы і сацыяльнай абароны насельніцтва Мар'янай Шчоткінай, перадае карэспандэнт БЕЛТА.

Міністр звярнула ўвагу на добрую тэндэнцыю: у 2013 годзе нарадзілася 56 тыс. дзяцей, якія з'яўляюцца першымі ў сям'і, і 62 тыс., якія з'яўляюцца другімі і наступнымі. "Хацелася, каб сем'і раслі, - сказала Мар'яна Шчоткіна. - Кожная сям'я жадала б мець як мінімум дваіх дзяцей. Але, вядома, ставяцца пытанні аб набыцці жылля і падтрымцы з боку дзяржавы".

Як адзначыла Мар'яна Шчоткіна, у Беларусі робіцца максімум для таго, каб падтрымаць сем'і з дзецьмі. "Заўсёды трэба помніць аб тым, што нічога не бывае бясплатна. Усё каштуе пэўных грошай. Таму ствараюцца ўмовы, і меры падтрымкі будуць і далей прадугледжвацца", - сказала яна.

Паводле слоў міністра, у Беларусі будзе распрацоўвацца новая праграма дэмаграфічнай бяспекі на наступную пяцігодку. "Але самае галоўнае: сем'і павінны быць моцнымі, дзеці павінны быць жаданымі і дзяцей трэба любіць", - сказала Мар'яна Шчоткіна.
Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Спёка. Рэкамендацыі вадзіцелям У гарачыя летнія дні вадзіцелям варта адмовіцца ад далёкіх паездак.