6 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка зацвердзіў Канвенцыю аб міжрэгіянальным супрацоўніцтве дзяржаў - удзельніц Садружнасці Незалежных Дзяржаў. Адпаведны ўказ кіраўнік дзяржавы падпісаў 6 красавіка, паведамілі БЕЛТА ў прэс-службе беларускага лідара.
Гэта канвенцыя была прынята 16 верасня 2016 года ў Бішкеку ў час саміту лідараў краін - членаў СНД.
Дакумент прызначаны ўзмацніць значнасць міжрэгіянальнага супрацоўніцтва ў інтэграцыйных працэсах, актывізаваць сувязі паміж суб'ектамі гаспадарання. Канвенцыя будзе садзейнічаць бесперашкоднаму руху людзей, капіталаў, тавараў і паслуг.
У дакуменце таксама пералічваюцца напрамкі міжрэгіянальнага супрацоўніцтва - ад стварэння спецыяльных эканамічных зон і ажыццяўлення інвестыцыйных праектаў да культурнага, навуковага і гуманітарнага супрацоўніцтва, турызму і спорту.-0-