Мабільная версія
ДЗЯРЖОРГАНЫ
Апошнія навіны
Усе навіны

Лукашэнка запатрабаваў прывесці ў парадак аэрапорт Брэст

Прэзідэнт 11.08.2017 | 11:06
Старшыня Брэсцкага гарвыканкама Аляксандр Рагачук дакладвае Аляксандру Лукашэнку аб будаўніцтве новых мікрараёнаў і аб'ектаў сацыяльнай інфраструктуры Брэста
Старшыня Брэсцкага гарвыканкама Аляксандр Рагачук дакладвае Аляксандру Лукашэнку аб будаўніцтве новых мікрараёнаў і аб'ектаў сацыяльнай інфраструктуры Брэста

11 жніўня, Брэст /Міхаіл Маціеўскі - БЕЛТА/. Прэзідэнт Беларусі Аляксандр Лукашэнка запатрабаваў прывесці ў парадак аэрапорт Брэст. Такую задачу кіраўнік дзяржавы паставіў сёння пасля прыбыцця ў абласны цэнтр, перадае карэспандэнт БЕЛТА.

"Што неабходна зрабіць: трэба лішняе ўсё, што тут ёсць, зямельныя плошчы, аддаць па прызначэнні. Мы па савецкіх мерках адцялі 0,5 тыс. га зямлі. Не даглядаеш аэрапорт - гэта дрэнна", - адзначыў Аляксандр Лукашэнка, звяртаючыся да губернатара Брэсцкай вобласці Анатоля Ліса.

Прэзідэнт звярнуў увагу: калі аэрапорт поўнасцю не загружаны сёння, то гэта не значыць, што і ў будучым будзе гэтак жа. "Вазьмі па контуры, колькі трэба для аэрапорта, столькі і пакінь. Усё астатняе аддай людзям: нехта захоча пабудаваць прадпрыемства. Да ўзлётна-пасадачнай паласы хаця б травы вырошчвай. Прывядзі ўсё ў парадак", - даручыў кіраўнік дзяржавы кіраўніку вобласці.

Анатоль Ліс адзначыў, што сёння аэрапорт прымае зусім мала рэйсаў і практычна не выкарыстоўваецца. "Мы ў тыдзень прымаем толькі два рэйсы на Калінінград. Трэба думаць, як яго загружаць", - сказаў ён.

"Думайце і ўносьце прапановы. Толькі спачатку навядзіце парадак", - паставіў задачу Аляксандр Лукашэнка.-0-

Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дынаміка валютнага рынку Абарот валютнага рынку Беларусі ў студзені-верасні 2017 года: усяго - $45 млрд 996,1 млн, на пазабіржавым валютным рынку - $30 млрд 206,2 млн, на БВФБ - $6 млрд 898,0 млн, на наяўным валютным рынку - $8 млрд 891,9 млн.