2 жніўня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка запатрабаваў асабістага ўключэння ў пытанні ўборачнай кампаніі чыноўнікаў самага высокага рангу. Аб гэтым ён заявіў сёння на рэспубліканскай селектарнай нарадзе па пытаннях уборкі ўраджаю, паведамляе карэспандэнт БЕЛТА.
"Міхаіл Уладзіміравіч (Мясніковіч), вы з Андрэйчанкам неадкладна павінны выехаць у вобласці і займацца там непасрэдна. Ён у Віцебскую вобласць, а вы ў Брэсцкую. Вы цяпер адносна свабодныя. Таму арганізоўвайце там уборачную кампанію. Гэта датычыцца і Зася, гэта датычыцца Зайца - гэта людзі моцныя, адукаваныя, вопытныя - ды і іншых упаўнаважаных. Усякія водпускі, усякія выезды без майго ведама за межы краіны ўсім забараняюцца. Усё павінна быць павернута цяпер на работу ў вёсцы", - заявіў Прэзідэнт.
"Трэба вяскоўцам дапамагчы, а гультаёў, аб якіх мы гаварылі, прымусіць працаваць", - падкрэсліў беларускі лідар.-0-
