Сцяг Пятніца, 29 сакавіка 2024
Усе навіны
Усе навіны
Прэзідэнт
30 чэрвеня 2016, 15:14

Лукашэнка ўручыў дзяржузнагароды заслужаным людзям Беларусі

30 чэрвеня, Мінск /Уладзімір Мацвееў - БЕЛТА/. Кіраўнік дзяржавы Аляксандр Лукашэнка ўручыў дзяржаўныя ўзнагароды заслужаным людзям Беларусі. Урачыстая цырымонія адбылася сёння ў Палацы Незалежнасці, перадае карэспандэнт БЕЛТА.

"Перад нашай краінай стаяць вельмі адказныя задачы, якія мы нядаўна абмяркоўвалі на Усебеларускім народным сходзе. Ад жыццёвай пазіцыі кожнага з вас, напружанай працы залежыць тое, вырашым мы гэтыя задачы ці не, - сказаў Прэзідэнт. - У жыцці дзяржавы няма другарадных сфер. Умацаванне абараназдольнасці і бяспекі, развіццё галін эканомікі, адукацыі, навукі, культуры, спорту, вырашэнне пытанняў сацыяльнай абароны - усё гэта разам фарміруе дабрабыт нашай дзяржавы".

Заслужаныя ўзнагароды ўручаны прадстаўнікам Узброеных Сіл, МНС, пракуратуры, органаў унутраных спраў. "Выконваючы свой службовы абавязак, яны ўносяць важкі ўклад у забеспячэнне абароны краіны, абарону законных інтарэсаў грамадзян нашай дзяржавы, падтрыманне правапарадку і спакою ў грамадстве", - адзначыў Аляксандр Лукашэнка.

Прэзідэнт нагадаў, што ў красавіку бягучага года Беларусь адзначыла сумную дату - 30-ю гадавіну катастрофы на Чарнобыльскай АЭС. "Перад тварам агульнанацыянальнага бедства наш народ праявіў сапраўдны гераізм. Людзі, якія прынялі самы актыўны ўдзел у ліквідацыі наступстваў аварыі і вяртанні да нармальнага жыцця пацярпелых тэрыторый, сёння таксама атрымліваюць дзяржаўныя ўзнагароды", - падкрэсліў беларускі лідар.

Цёплыя словы Аляксандр Лукашэнка адрасаваў і ўзнагароджаным працаўнікам вытворчых галін. "Менавіта яны ствараюць тую трывалую базу, якая неабходна для ўмацавання нашай эканомікі. У ліку ўзнагароджаных дырэктары прадпрыемстваў "Граніт", птушкафабрыкі "Перамога". У цяперашніх умовах гэтыя здольныя арганізатары вытворчасці змаглі не толькі ўтрымаць на плаву свае прадпрыемствы, але і вывесці іх на перадавыя рубяжы", - сказаў кіраўнік дзяржавы.

Накіраванасць у заўтрашні дзень, прадоўжыў беларускі лідар, вызначае прадстаўнікоў навукі і адукацыі, якія атрымліваюць узнагароды. "Дзякуючы такім падзвіжнікам сваёй справы навука і адукацыя займаюць у нас трывалыя і часта лідзіруючыя пазіцыі ў свеце па шэрагу напрамкаў", - адзначыў Прэзідэнт.

Сярод узнагароджаных на цырымоніі прысутнічалі творчыя людзі - артысты, пісьменнікі, прадстаўнікі іншых творчых прафесій. Асобны акцэнт кіраўнік дзяржавы зрабіў на тым, што гэта ўзнагароджванне праходзіць у Год культуры. Ганаровымі званнямі адзначаны акцёры Нацыянальнага акадэмічнага Вялікага тэатра оперы і балета.

Групе спартсменаў прысвоены ганаровыя званні заслужаных майстроў спорту. Па заслугах была ацэнена і работа прадстаўнікоў трэнерскага складу. "У нашай краіне здаровы лад жыцця і фізічнае развіццё асобы заўсёды былі і будуць у пашане", - заявіў Аляксандр Лукашэнка.

"Павагай і грамадскім прызнаннем карыстаюцца людзі, якія праявілі сябе паспяхова і на дзяржслужбе. Іх праца таксама атрымлівае заслужаную ацэнку", - дадаў кіраўнік дзяржавы.

"Прыемна глядзець на людзей, якія выдатна зарэкамендавалі сябе ў сваёй прафесіі, якія хочуць, каб наша дзяржава мацнела, развівалася хуткімі тэмпамі. Упэўнены, што кожны чалавек, які сядзіць у гэтай зале, - паспяховая асоба", - сказаў Аляксандр Лукашэнка, звяртаючыся да ўдзельнікаў цырымоніі.

Прэзідэнт уручыў ордэн Айчыны III ступені старшыні Гомельскага аблвыканкама Уладзіміру Дворніку і намесніку генеральнага пракурора Беларусі Аляксандру Лашыну.

Памочнік міністра абароны па ідэалагічнай рабоце ва Узброеных Сілах - начальнік галоўнага ўпраўлення ідэалагічнай работы Міністэрства абароны Аляксандр Гура ўдастоены ордэна "За службу Радзіме" II ступені. Шэрагу прадстаўнікоў сілавых структур таксама ўручаны ордэны "За службу Радзіме" III ступені.

Кіраўнікі розных узроўняў адзначаны ордэнам Пашаны. Сярод іх віцэ-прэм'ер Міхаіл Русы, намеснік старшыні Савета Рэспублікі Нацыянальнага сходу Анатоль Русецкі, міністр інфармацыі Лілія Ананіч.

Віктар Таранцей, загадчык кафедры педагогікі і сацыяльнай работы Гродзенскага дзяржаўнага ўніверсітэта імя Янкі Купалы, узнагароджаны ордэнам Францыска Скарыны.

Прадстаўнікам розных прафесій, кіраўнікам арганізацый і ведамстваў уручаны таксама медалі "За адзнаку ў папярэджанні і ліквідацыі надзвычайных сітуацый", "За працоўныя заслугі", медаль Францыска Скарыны, прысвоены ганаровыя званні заслужанага артыста, работніка адукацыі, заслужанага юрыста, металурга, работніка фізічнай культуры і спорту, заслужанага трэнера і майстра спорту.-0-

Падпісвайцеся на нас у
Twitter
Топ-навіны
Свежыя навіны Беларусі