20 мая, Мінск /Уладзімір Мацвееў - БЕЛТА/. У міжнародных адносінах надзвычай запатрабавана канструктыўная роля дыпламатыі і дыпламатаў. Аб гэтым Прэзідэнт Беларусі Аляксандр Лукашэнка заявіў сёння на цырымоніі ўручэння даверчых грамат пасламі замежных краін, перадае карэспандэнт БЕЛТА.
"Сёння надзвычайна запатрабавана канструктыўная роля дыпламатыі і дыпламатаў, якія ўмеюць слухаць, чуць, весці перагаворы і знаходзіць кампрамісы, дапамагаюць пераадолець складанасці і рознагалоссі ў міжнародных адносінах", - падкрэсліў кіраўнік дзяржавы.
Прэзідэнт адзначыў, што ў сучасным свеце, які раздзіраецца супярэчнасцямі, несціхаючымі ваеннымі канфліктамі, гандлёвымі войнамі і санкцыямі, экстрэмізмам і нецярпімасцю, іншымі беспрэцэдэнтнымі выклікамі і пагрозамі, Беларусь мэтанакіравана і паслядоўна папулярызуе мірны і ўсёабдымны парадак дня.
"Мы шчыра нацэлены на абнаўленне дыялогу па ўмацаванні мер бяспекі і супрацоўніцтва ў Еўра-Атлантыцы і Еўразіі. На стварэнне дзейсных механізмаў партнёрства паміж рознымі інтэграцыйнымі аб'яднаннямі, фарміраванне спрыяльнага клімату для гандлёвага, эканамічнага і інвестыцыйнага ўзаемадзеяння", - сказаў Аляксандр Лукашэнка.
Ён таксама выказаў надзею на падтрымку прадстаўляемых пасламі дзяржаў па гэтых і іншых тэмах узаемнага інтарэсу.-0-
