Сцяг Чацвер, 28 сакавіка 2024
Усе навіны
Усе навіны
Прэзідэнт
04 студзеня 2017, 19:22

Лукашэнка: у Калядным турніры прымаюць удзел каманды, якія гатовы ўпарта змагацца за галоўны прыз

4 студзеня, Мінск /Міхаіл Маціеўскі - БЕЛТА/. У Калядным міжнародным турніры аматараў хакея на прызы Прэзідэнта Рэспублікі Беларусь прымаюць удзел каманды, якія гатовы ўпарта змагацца за галоўны прыз. Аб гэтым Кіраўнік дзяржавы Аляксандр Лукашэнка заявіў на цырымоніі адкрыцця спаборніцтваў у спартыўным комплексе "Чыжоўка-Арэна", перадае карэспандэнт БЕЛТА.

"Сёння стартуе чарговы, ужо трынаццаты па ліку Калядны міжнародны турнір аматараў хакея на прызы Прэзідэнта. Нас чакаюць захапляльныя і яркія баталіі на лядовых арэнах. Зноў сыдуцца каманды, якія гатовы ўпарта змагацца за галоўны прыз, паказваць гледачам высокі клас гульні", - заявіў Аляксандр Лукашэнка.

У гэтым годзе ў турніры прымаюць удзел хакейныя дружыны з Расіі, Германіі, Славакіі, Фінляндыі, Аб'яднаных Арабскіх Эміратаў і Швейцарыі, якія ў свой час ужо выпрабоўвалі на трываласць мінскі лёд, адзначыў кіраўнік дзяржавы. На гэты раз да іх далучыцца зборная Балкан, у складзе якой ігракі з Балгарыі, Босніі і Герцагавіны, Македоніі, Румыніі, Сербіі, Славеніі, Харватыі і Турцыі.

"Гэты турнір з'яўляецца самым маштабным па колькасці краін-удзельніц. Мы рады вітаць ігракоў з 15 дзяржаў. Да нас прыехалі пераможцы і прызёры чэмпіянатаў свету, Алімпійскіх гульняў, хакеісты, якія выступалі ў Нацыянальнай хакейнай лізе", - адзначыў Прэзідэнт.

Аляксандр Лукашэнка падкрэсліў, што хакей карыстаецца асаблівай любоўю і ўвагай беларусаў. "Нашы гледачы змогуць па заслугах ацаніць дакладны кідок, галявы пас, самаадданую гульню варатара, філігранную тэхніку нападаючага і зладжанасць дзеянняў кожнай з каманд. Госці сталіцы пераканаюцца ў традыцыйнай гасціннасці беларускага народа, змогуць азнаёміцца з Беларуссю, яе гісторыяй і культурай, набыць новыя цікавыя кантакты. Спорт - гэта лепшая форма народнай дыпламатыі", - лічыць беларускі лідар.

XIII Калядны міжнародны турнір аматараў хакея ўрачыста адкрыўся ў МінскуXIII Калядны міжнародны турнір аматараў хакея ўрачыста адкрыўся ў Мінску
Святочная атмасфера каля аднаго з самых буйных спартыўных аб'ектаў Мінска, "Чыжоўка-Арэны", адчувалася ўжо днём, калі сталі вядомы вынікі першых матчаў.

ХIII Калядны турнір аматараў хакея на прыз Прэзідэнта Беларусі праходзіць з 4 па 7 студзеня на лёдзе "Чыжоўка-Арэны" ў Мінску. Арганізатарамі з'яўляюцца Прэзідэнцкі спартыўны клуб, асацыяцыя "Федэрацыя хакея Беларусі", Міністэрства спорту і турызму, Мінскі гарадскі выканаўчы камітэт.

Матчы турніру прыцягваюць на трыбуны вялікую колькасць балельшчыкаў. Па традыцыі ўваход на гульні бясплатны, а каля "Чыжоўка-Арэны" арганізаваны святочныя гулянні, якія не даюць сумаваць гледачам у перапынках матчаў, а таксама паміж паядынкамі.

Спаборніцтвы праводзяцца ў Мінску з 2005 года. У розны час уладальнікам ганаровага трафея дзевяць разоў станавілася каманда Прэзідэнта Беларусі (2005, 2006, 2008, 2009, 2010, 2012, 2013, 2014, 2016). Тройчы поспех святкавала расійская дружына (2007, 2011, 2015).-0-

Падпісвайцеся на нас у
Twitter
Топ-навіны
Свежыя навіны Беларусі