27 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў юнакоў і дзяўчат краіны з Днём моладзі, паведамілі БЕЛТА ў прэс-службе беларускага лідара.
"Сёння грамадства ўскладае на вас вялікія надзеі, паколькі новае аблічча эканомікі, культурнага і грамадскага жыцця краіны ў многім будзе залежаць ад арганічнага ўключэння маладога пакалення грамадзян у вырашэнне самых адказных і складаных задач", - падкрэсліў кіраўнік дзяржавы.
"Прыемна бачыць, што ў нас актыўная, думаючая моладзь, неабыякавая да будучага роднай Беларусі. Многія з вас дасягаюць поспехаў у вучобе і працы, творчасці і спорце, паказваюць прыклад міласэрнасці і гуманізму", - адзначыў Прэзідэнт.
Дзяржава робіць усё магчымае для таго, каб кожны малады чалавек змог выбраць свой прафесійны шлях, пабудаваць шчаслівае жыццё і прымяніць здольнасці на карысць Радзімы, гаворыцца ў віншаванні.-0-
