Сцяг Аўторак, 19 сакавіка 2024
Усе навіны
Усе навіны
Прэзідэнт
22 чэрвеня 2018, 09:29

Лукашэнка сустрэўся з прэзідэнтам Міжнароднай асацыяцыі лёгкаатлетычных федэрацый

22 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка на стадыёне "Дынама" ў Мінску сустрэўся 21 чэрвеня з прэзідэнтам Міжнароднай асацыяцыі лёгкаатлетычных федэрацый Себасцьянам Коэ, паведаміў карэспандэнт БЕЛТА.

"Я сваю частку абяцання выканаў. Стадыён зрабілі. Цяпер нам трэба арганізаваць тут моцныя, добрыя спаборніцтвы", - сказаў кіраўнік дзяржавы. У сувязі з гэтым ён нагадаў аб планах па правядзенні ў Беларусі першага ў сусветнай гісторыі лёгкай атлетыкі міжнароднага лёгкаатлетычнага матчу зборных Еўропы і ЗША ў верасні 2019 года.

"Вы больш чым выканалі, вы шмат у чым перавыканалі сваё абяцанне. Не толькі ў тым, што датычыцца стадыёна. Вядома, мы гэта абмяркоўваем, і гэта вялікая дапамога. Усё, што мы робім тут, вельмі важна, таму што мы не толькі ствараем магчымасці для спартсменаў, але і для маладога пакалення, маладых людзей, якія могуць стаць спартсменамі ў будучым", - заявіў Себасцьян Коэ.

"Дзякуй вялікі. Мне вельмі прыемна, што мы адзін перад адным трымаем слова", - адказаў Прэзідэнт Беларусі.

Себасцьян Коэ таксама адзначыў вялікі ўклад беларускага боку ў пытанні барацьбы з допінгам і выкананне ўзятых на сябе абавязацельстваў. "Мы абмяркоўвалі гэту тэму два гады таму. І тут вы таксама стрымліваеце слова", - сказаў ён.

"Я ведаю, які вы заўзяты прыхільнік гэтай барацьбы. Таму пасля размовы з вамі мы адразу на заканадаўчым узроўні прынялі ўсе рашэнні па недапушчэнні допінгу ў нашай краіне", - падкрэсліў Аляксандр Лукашэнка.

На сустрэчы таксама прысутнічаў прэзідэнт Еўрапейскай лёгкаатлетычнай асацыяцыі Свен Арнэ Хансэн.-0-

Падпісвайцеся на нас у
Twitter
Топ-навіны
Свежыя навіны Беларусі