12 кастрычніка, Магілёў /Міхаіл Маціеўскі - БЕЛТА/. Супрацоўніцтва ў аграпрамысловым комплексе з'яўляецца найбольш важным пытаннем у гандлі з Расіяй. Аб гэтым Прэзідэнт Беларусі Аляксандр Лукашэнка заявіў сёння на пленарным пасяджэнні V Форуму рэгіёнаў Беларусі і Расіі, перадае карэспандэнт БЕЛТА.
"Нашымі галоўнымі задачамі прадаўжаюць заставацца устараненне ўсялякіх абмежаванняў ва ўзаемным гандлі і забеспячэнне роўных умоў дзейнасці суб'ектаў гаспадарання. Найбольш важнае пытанне - гэта супрацоўніцтва ў агракомплексе", - сказаў Аляксандр Лукашэнка.
Прэзідэнт звярнуў увагу, што ў многіх рэгіёнах Расіі беларусаў ведаюць як добрасумленных і надзейных партнёраў, а беларускія прадукты цэняць і любяць. "Часта сумесная работа па павышэнні якасці экспартуемых прадуктаў харчавання падмяняецца абмежавальнымі мерамі, - канстатаваў кіраўнік дзяржавы. - Але мы нарэшце напярэдадні гэтага форуму дамовіліся аб тым, як будзем развязваць такія праблемы. Прытым дамовіліся адназначна, і гэта падтрымана ўрадамі дзвюх краін".
"Хацелася б, каб мы з Прэзідэнтам Расіі менш займаліся тымі праблемамі, якія павінны вырашацца на ўзроўні ўрадаў, ведамстваў, міністэрстваў і рэгіёнаў", - дадаў беларускі лідар.-0-
