Мабільная версія
ДЗЯРЖОРГАНЫ
Апошнія навіны
Усе навіны

Лукашэнка: ролю Кіраўніцтва справамі Прэзідэнта ў эканоміцы краіны неабходна павышаць

Прэзідэнт 08.02.2018 | 14:05

8 лютага, Мінск /Кар. БЕЛТА/. Ролю і значэнне Кіраўніцтва справамі Прэзідэнта Беларусі ў эканоміцы краіны неабходна ўзмацняць. Такую задачу кіраўнік дзяржавы Аляксандр Лукашэнка паставіў 8 лютага ў час рабочай сустрэчы з Кіраўніком спраў Прэзідэнта Віктарам Шэйманам, перадае карэспандэнт БЕЛТА.

"На гэта трэба арыентавацца. І ролю Кіраўніцтва справамі трэба павышаць. Гэта галоўная задача", - сказаў беларускі лідар.

Абмяркоўваліся вынікі работы Кіраўніцтва справамі і падведамных прадпрыемстваў у 2017 годзе і перспектывы на будучы перыяд. Адзначана, што прадпрыемствы, якія ўваходзяць у структуру, паказалі добрую дынаміку, павысілася рэнтабельнасць у сельскагаспадарчым і прамысловым сегментах. Экспарт тавараў і паслуг у цэлым па Кіраўніцтве справамі ў мінулым годзе вырас на 21,4 працэнта ў параўнанні з 2016 годам. Дадатнае сальда знешняга гандлю павялічылася на 24 працэнты.

Кіраўніку дзяржавы таксама было даложана аб планах па асваенні новых напрамкаў у дзейнасці Кіраўніцтва справамі. Так, прапрацоўваецца пытанне пашырэння работы ў галіне фармацэўтыкі. Адпаведная тэматыка абмяркоўваецца з партнёрамі ў Індыі і Казахстане.

Акрамя таго, разгледжана пытанне стварэння прадпрыемства ў сферы электронных латарэй.

Віктар Шэйман далажыў Прэзідэнту аб рэфармаванні сельскагаспадарчага холдынга, які ўваходзіць у структуру Кіраўніцтва справамі, стварэнні тавараправоднай сеткі па пастаўках у расійскія рэгіёны мясной і малочнай прадукцыі.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Цукровая галіна Беларусі Валавы збор цукровых буракоў у 2017 годзе: Брэсцкая вобласць - 914 тыс. т (ураджайнасць - 441 ц/га); Гродзенская - 1 807,3 тыс. т (531 ц/га); Мінская - 1 971,3 тыс. т (508 ц/га); Магілёўская - 234,7 тыс. т (368 ц/га).