13 снежня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка разлічвае на ўмацаванне супрацоўніцтва Беларусі з Ватыканам. Аб гэтым Прэзідэнт Беларусі Аляксандр Лукашэнка заявіў сёння на цырымоніі ўручэння даверчых грамат пасламі замежных краін, перадае карэспандэнт БЕЛТА.
"Для нашай краіны Ватыкан - асаблівы партнёр у міжнародным дыялогу. У нас склаліся выключнае ўзаемаразуменне і давер з кіраўнікамі Рымска-каталіцкай царквы і асабіста з Яго Святасцю Папам Рымскім Францыскам", - падкрэсліў кіраўнік дзяржавы.
Аляксандр Лукашэнка ўпэўнены, што пры новым Апостальскім нунцыю двухбаковае супрацоўніцтва захавае і ўмацуе традыцыйна дружалюбны і плённы характар.-0-
