3 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Балгарыі Румена Радзева з 140-й гадавінай вызвалення Балгарыі. Аб гэтым БЕЛТА паведамілі ў прэс-службе беларускага лідара.
"Стабільная дынаміка двухбаковых кантактаў у апошнія гады складае надзейны фундамент для рэалізацыі існуючага патэнцыялу традыцыйна дружалюбных адносін паміж нашымі краінамі. Спадзяюся на далейшае пашырэнне і ўмацаванне беларуска-балгарскага супрацоўніцтва ў розных сферах", - гаворыцца ў віншаванні.
Аляксандр Лукашэнка таксама пажадаў міру і працвітання брацкаму народу Балгарыі.-0-